Մեկնարկել է 2025 թվականի ձմեռային զորակոչը

Այսօր Հրազդանի տարածքային զինվորական կոմիսարիատում մեկնարկեց տարվա առաջին զորակոչը: Ծաղկաձոր համայնքի նորակոչիկների ճանապարհելուն ներկա էին Ծաղկաձոր համայնքի ղեկավարի առաջին տեղակալ՝ Ոսկան Եղիազարյանը և տեղակալ՝ Գարիկ Գևորգյանը:

Ներկաները իրենց խոսքում բարի և անվտանգ ծառայություն մաղթեցին բոլոր նորակոչիկներին:

Սիրելի՛ նորակոչիկներ,

Մաղթում ենք ձեզ խաղաղ ծառայություն:

Առաջիկա երկու տարում այս բարդ ու պատասխանատու գործը վստահվում է ձեզ։ Պատվո՛վ կրեք հայկական բանակի համազգեստը և նվիրումով կատարեք ձեզ վերապահված պարտականությունները:

Անվտանգ ծառայություն և բարի վերադարձ բոլորիդ

Այսօր տեղի ունեցած Ծաղկաձոր համայնքի ավագանու նիստում համայնքի ղեկավար՝ Նարեկ Հարությունյանը ներկայացրեց Ծաղկաձոր համայնքի 2025 թվականի բյուջեն և առաջարկեց Ծաղկաձոր համայնքում հաշվառում ունեցող, ինչպես նաև Արցախից բռնի տեղահանված երեխաների հաճախումը՝ Հայաստանի Հանրապետության Կոտայքի մարզի Ծաղկաձոր համայնքի ենթակայության տակ գտնվող նախադպրոցական ուսումնական հաստատություններ, «Ծաղկաձորի մանկական արվեստի դպրոց» և «Մեղրաձոր գյուղի Սամվել Մուրադյանի անվան մարզամշակութային կենտրոն» ՀՈԱԿ-ներ՝ 2025թ. հունվարի 1-ից դարձնել անվճար:

Բյուջեն և առաջարկությունը ներկա ավագանու անդամների կողմից ընդունվեցին միաձայն:

Ծաղկաձոր համայնքի հարգելի՛ բնակիչներ

Տեղեկացնում ենք, որ ՀՀ փաստաբանների պալատի հանրային պաշտպանի գրասենյակն ապահովում է պետության կողմից երաշխավորված անվճար իրավաբանական օգնության տրամադրումը՝ «Փաստաբանության մասին» օրենքով սահմանված դեպքերում և կարգով:

Գրասենյակը նստավայրեր ունի հանրապետության գրեթե բոլոր խոշոր քաղաքային բնակավայրերում, որոնք սպասարկում են նաև հարակից մյուս բնակավայրերը՝

Նաիրի համայնք, Եղվարդ քաղաք, Ե. Չարենցի փողոց, թիվ 39/1

ք.Աբովյան, Երիտասարդական փողոց, 5/3, 5/5/1

ք. Հրազդան, Սահմանադրության հրապարակ 1 (համայնքապետարանի վարչական շենք, 2--րդ հարկ)

ք. Չարենցավան, Խանջյան փողոց, 1 շենք, 3-րդ հարկ, 4-րդ սենյակ: