|
20.04.25
Ծաղկաձոր համայնքի ղեկավար Նարեկ Հարությունյանի շնորհավորանքը Սուրբ Զատիկի կապակցությամբ։
|
Սիրելի’ հայրենակիցներ, սրտանց շնորհավորում եմ ձեզ Սուրբ Զատիկի տոնի առթիվ։ Քրիստոսի Հարության փրկարար լույսը թող ուղեկից լինի ձեր ընտանիքներին՝ խաղաղությամբ, սիրով ու ներդաշնակությամբ լցնելով ձեր հոգիներն ու օջախները։ Այս պայծառ տոնը վերածննդի, հավատքի և հույսի խորհրդանիշ է, և թող մեզ բոլորիս ուժ ու ոգեշնչում տա բարին գործելու, համախմբվելու և մեր հայրենիքն առավել սիրով ու պատասխանատվությամբ կերտելու։  Քրիստոս հարյավ ի մեռելոց Օրհնյալ է հարությունը Քրիստոսի |
|
|
18.04.25
Հանդիպում՝ ՀՀ Պետական եկամուտների կոմիտեի աշխատակիցների հետ:
|
Այսօր Ծաղկաձորի մանկական արվեստի դպրոցում ՀՀ Պետական եկամուտների կոմիտեի նախաձեռնությամբ կայացավ հանդիպում-դասընթաց ՀՈԱԿ-ների աշխատակիցների հետ։  Քննարկվող թեման էր՝ «Ինչպես հայտարարագրվել և ինչպես ստանալ սոցիալական ծախսի հետվճար»։  Հանդիպման ընթացքում ներկայացվեցին սոցիալական ծախսերի տեսակները, հայտարարագրման գործընթացը, ինչպես նաև դրանց փոխհատուցման կիրառվող մեխանիզմները։ Մասնակիցները հնարավորություն ունեցան ստանալու լիարժեք տեղեկատվություն ներկայացվող փաստաթղթերի, ժամկետների և գործընթացի ավտոմատացման վերաբերյալ։ Նրանք նաև հնարավորություն ունեցան ուղղելու իրենց հուզող հարցերը ՊԵԿ ներկայացուցիչներին և ստանալու մասնագիտական պարզաբանումներ։ |
|
|
14.04.25
Մայրության օրվան նվիրված միջոցառում:
|
|
Գրողների Ծաղկաձորի ստեղծագործական տանը կայացավ մայրության օրվան նվիրված միջոցառում, որի ժամանակ ելույթ ունեցան «Ծաղկաձորի մանկական արվեստի դպրոց»-ի սաները։«Սեր է քո անունը, մա՛մ» խորագիրը կրող գեղեցիկ և հուզիչ միջոցառումն արտահայտում էր դպրոցի սաների սրտաբուխ ստեղծագործական նվիրումն ու սերը մայրերի հանդեպ։ Միջոցառման ընթացքում ներկայացվեցին երաժշտական կատարումներ, բանաստեղծություններ, պարեր և ներկայացումներ, որոնք լի էին սիրո, երախտագիտության ու հուզիչ զգացմունքների արտահայտությամբ։Միջոցառումը վերածվել էր ջերմ ու հոգեպես հագեցած մթնոլորտի, որտեղ յուրաքանչյուր ելույթ մի նոր գունեղ շեշտադրում էր դառնում մայրական սիրո, նվիրման և անփոխարինելի դերի շուրջ։Միջոցառման հաջող ընթացքը ...
Մանրամասն |
|
|
04.04.25
Ապրիլյան քառօրյա պատերազմի 9-րդ տարելից
|
Ապրիլյան քառօրյա պատերազմի 9-րդ տարելիցի կապակցությամբ Ծաղկաձոր համայնքի ղեկավար Ն. Հարությունյանի գլխավորությամբ հարգանքի տուրք մատուցվեց հայրենիքի պաշտպանության համար զոհվածների հիշատակին։ Համայնքի ղեկավարը, բնակիչներն ու հյուրերը ծաղիկներ խոնարհեցին Մեղրաձոր բնակավայրում գտնվող «Փառք հայրենիքը գործով սիրողներին» խաչքարի առջև՝ հիշելով և մեծարելով հերոս նահատակների անմահ գործը։ Հավերժ փառք հայրենիքի համար իրենց կյանքը զոհած հերոսներին |
|
|
02.04.25
Ծաղկաձոր համայնքում նշվեց Մանկական գրքի միջազգային օրը:
|
 Ապրիլի 2-ին՝ Մանկագիրների և Մանկական գրքի օրվա առթիվ, Ծաղկաձորի համայնքապետարանի գլխավոր մասնագետ Հասմիկ Պետրոսյանի, «Ծաղկաձորի մանկական արվեստի դպրոց» ՀՈԱԿ-ի տնօրեն Արփինե Մուրադյանի և գրադարանավար Կարինե Միքայելյանի նախաձեռնությամբ կազմակերպվեց գեղեցիկ միջոցառում։  Միջոցառման ընթացքում ներկայացվեցին մանկական գրականության լավագույն ստեղծագործությունները, երեխաները մասնակցեցին ընթերցանությանն ու քննարկումներին, ինչպես նաև ծանոթացան նրանց համար հետաքրքիր գրքերին։ Միջոցառման ավարտին «Գրողների Ծաղկաձորի ստեղծագործական տան» տնօրեն Մ. Մանուկյանը գրքեր նվիրեց արվեստի դպրոցի սաներին՝ խրախուսելով նրանց սերը գրքի և ընթերցանության հանդեպ։ |
|
|
14.03.25
Համայնքի ղեկավարը հյուրընկալեց Համահայկական ձմեռային 2-րդ խաղերին մասնակցած մարզիկներին:
|
Այսօր Ծաղկաձոր համայնքի ղեկավար Նարեկ Հարությունյանը հյուրընկալել էր փետրվարին Ջերմուկ քաղաքում կայացած Համահայկական ձմեռային 2-րդ խաղերին ակտիվ մասնակցություն ունեցած մարզիկներին: Համայնքի ղեկավար Նարեկ Հարությունյանը բոլոր մասնակիցներին հանձնեց հավաստագրեր, մարզիչ-կազմակերպիչներին՝ շնորհակալագրեր, իսկ մեդալակիրներին ՝շնորհակալագրեր և նվերներ: |
|
| 1 2 3 4 5 6 7 8 9 10 ... |