Ծաղկաձորի համայնքապետարանում «Վարչարարության հիմունքների և վարչական վարույթի մասին» օրենքի 34-րդ հոդվածի հիմքով հարուցվել է վարչական վարույթ՝  համայնքապետարանի աշխատակազմի քաղաքաշինության, հողաշինության, գյուղատնտեսության և բնապահպանության բաժնի պետ Արա Մեսրոպյանի կողմից կազմված վարչական իրավախախտման արձանագրության հիման վրա:

   Ուսումնասիրության արդյունքում պարզվել է, որ «ՆՅՈՒ ՀՈՐԻԶՈՆ ԳՐՈՒՊ ԻՆԿ» ընկերության փոխտնօրեն Ա.Բաղդասարյանը Անտառային փողոց, 11-րդ հողամասում գտնվող սեփականության իրավունքով պատկանող հողամասում ապօրինի կառուցել է ինքնակամ շինություն՝  տաղավար,  այսինքն կատարել է իրավախախտում, որը նախատեսված է  Վարչական իրավախախտումների վերաբերյալ օրենսգրքի /հետայսու՝ Օրենսգիրք/ 154-րդ հոդվածի 1-ին մասով, համաձյան որի սեփականության կամ հողօգտագործման իրավունք ունեցող անձի կողմից այդ հողամասի վրա, ինչպես նաև անհատական բնակելի տներում կամ ստորաբաժանված, կամ բազմաբնակարան շենքում,  կամ շենքերին կից , օրենքով և այլ իրավական ակտերով սահմանված կարգով այդ նպատակի համար չհատկացված հողամասում կամ առանց թույլտվության,  կամ թույլտվությամբ սահմանված պայմանների, կամ քաղաքաշինական նորմերի ու կանոնների էական խախտումներով շենք-շինության կամ այլ կառույց կառուցելը.

առաջացնում է տուգանքի նշանակում սահմանված նվազագույն աշխատավարձի յոթ հարյուր հիսունապատիկից հազար հինգ հարյուրապատիկի չափով:

Հարուցված վարչական վարույթի լսումների վերաբերյալ ծանուցվել է Ա. Բաղդասարյանը,  ընդունել է իր կողմից իրավախտում կատարելու փաստը, սակայն լսումներին ներկա չի գտնվել: Վարչական իրավախախտնման վերաբերյալ գործի քննության արդյունքում վարչական մարմինը, քննելով գործում առկա բոլոր փաստական հանգամանքները, հաստատված է համարում, որ կատարվել է Օրենսգրքի 154-րդ հոդվածի 1-ին մասով նախատեսված վարչական իրավախախտում, որի համար պատասխանատու է Ա. Բաղդասարյանը:

Ելնելով վերոգրյալից  և ղեկավարվելով Վարչական իրավախախտումների վերաբերյալ Օրենսգրքի 23-րդ հոդվածի 1-ին մասի 2-րդ կետով, 33-րդ հոդվածով, 154-րդ հոդվածի 1-ին մասով, 219.1-րդ, 252-րդ, 281-րդ, 282-րդ և 305-րդ հոդվածներով, «Վարչարարության հիմունքների և վարչական վարույթի մասին» օրենքի 53-րդ, 58-60-րդ հոդվածներով, «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետով  և հիմք ընդունելով Ծաղկաձոր համայնքի ղեկավարին կից վարչական հանձնաժողովի 2025 թվականի ապրիլի 01-ի  թիվ 1 արձանագրությունը.

1. «ՆՅՈՒ ՀՈՐԻԶՈՆ ԳՐՈՒՊ ԻՆԿ» ընկերության փոխտնօրեն Անդրանիկ Բաղդասարյանին  ենթարկել վարչական պատասխանատվության՝ նշանակելով վարչական տույժ՝ տուգանք, 750 000/ յոթ հարյուր հիսուն հազար/ ՀՀ դրամ գումարի չափով: 

2. Տուգանքի վճարումը կատարել սույն որոշման ստացման պահից  ոչ ուշ, քան 15 օրվա ընթացքում՝ հետևյալ հաշվեհամարին.  900125002114

3. Սույն որոշումը ուժի մեջ է մտնում  «ՆՅՈՒ ՀՈՐԻԶՈՆ ԳՐՈՒՊ ԻՆԿ» ընկերության փոխտնօրեն Անդրանիկ Բաղդասարյանին պատշաճ իրազեկելու հաջորդ օրվանից: 

4.  Սույն որոշումը կարող  է բողոքարկվել վարչական կարգով որոշումն ուժի մեջ մտնելուց հետո 30 /երեսուն/ օրվա ընթացքում, իսկ դատական կարգով ՝  երկամսյա ժամկետում: