Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, «Ներքին աուդիտի մասին» օրենքի 5-րդ հոդվածով և հիմք ընդունելով Հայաստանի Հանրապետության ֆինասների նախարարի 2012 թվականի փետրվարի 17-ի թիվ 143-Ն հրամանի 177-րդ կետը.
1. Ծաղկաձորի համայնքապետարանի (այսուհետ՝ Համայնքապետարան) ներքին աուդիտի ծառայության 2025 թվականի տարեկան ծրագրի կատարումն ապահովելու նպատակով իրականացնել աուդիտորական առաջադրանքներ՝ համաձայն հավելվածի։
2. Աուդիտորական առաջադրանքների իրականացումը վերապահել «ՔՐՈՈՒ ԸՆԴ ԱՍԱՏՐՅԱՆՍ» փակ բաժնետիրական ընկերության ներքին աուդիտորներ՝ Գառնիկ Հովհաննիսյանին, Արտակ Թորոսյանին, Վլադիմիր Գյուրջյանին և Արփիկ Բաղդասարյանին:
3. Աուդիտորական առաջադրանքներն իրականացնել՝ 2025 թվականի ընթացքում, ուսումնասիրության և գնահատման ենթարկելով համայնքապետարանի և ենթակա կազմակերպությունների կողմից առնավազը՝ 2025 թվականի ընթացքում իրականացված գործառույթներն ու վերջիններիս վերաբերյալ կազմված փաստաթղթերը:
4. Աուդիտի ենթարկվող միավորների ղեկավարներին՝ աուդիտորական առաջադրանքների իրականացման գործընթացը պատշաճ կարգով ապահովվելու նպատակով աջակցել աուդիտորներին, տրամադրելով պահանջվող փաստաթղթերի՝ բնօրինակները և /կամ/ դրանց պատճենները, ներկայացնել տեղեկանքներ, պարզաբանումներ, բացատրություններ և այլն:
5. Աուդիտորական առաջադրանքի ընթացքում թույլատրել աուդիտորներին օգտվել էլեկտրոնային տեղեկատվական համակարգերից և «Պետական և ծառայողական գաղտնիքի մասին» օրենքով չարգելված փաստաթղթերից: