Ղեկավարվելով Հողային օրենսգրքի 10-րդ հոդվածով, Հայաստանի Հանրապետության Կառավարության 2011 թվականի դեկտեմբերի 29-ի թիվ 1920-Ն որոշման 24-րդ կետի 3-րդ մասով, հիմք ընդունելով Կոտայքի մարզի Ծաղկաձոր համայնքի ավագանու 2024 թվականի նոյեմբերի 08-ին հաստատված «Հայաստանի Հանրապետության Կոտայքի մարզի Կոտայք -5 միկրոռեգիոնալ մակարդակի համակցված տարածական պլանավորման փաստաթղթերի կազմում ներառված Հայաստանի Հանրապետության Կոտայքի մարզի Ծաղկաձոր համայնքի տարածական պլանավորման փաստաթղթերը հաստատելու մասին» թիվ 127-Ն որոշումը, Ծաղկաձոր համայնքի գլխավոր հատակագծի պահանջները, ինչպես նաև հաշվի առնելով այն հանգամանքը, որ հողամասը գտնվում է Հողային օրենսգրքի 60-րդ հոդվածով սահմանված հողերի ցանկում.
1.Հաշվի առնելով Ծաղկաձոր համայնքի գլխավոր հատակագծի պահանջները՝ մարզ Կոտայք, համայնք Ծաղկաձոր, Օլիմպիական փողոց 10/8 հասցեում գտնվող Ծաղկաձոր համայնքին սեփականության իրավունքով պատկանող, 07-005-0026-0723 կադաստրային ծածկագրով , 1,88200 հա մակերեսով հողամասի նպատակային և գործառնական նշանակությունը հատուկ պահպանվող , հանգստի համար նախատեսված հողերից փոփոխել բնակավայրերի ընդհանուր օգտագործման համար նախատեսված հողերի:
2.Սույն փոփոխությունը կատարել նաև Ծաղկաձոր համայնքի կադաստրային քարտեզում: