Ղեկավարվելով  Հողային օրենսգրքի 66-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի և Հայաստանի Հանրապետության  Կառավարության 2016 թվականի մայիսի 26-ի  թիվ 550-Ն  որոշման 1-ին կետի  1-ին , 3-րդ և 7-րդ  ենթակետերի պահանջներով և հիմք ընդունելով Մեխակ Սասունի Միքայելյանի դիմումը

1․ Մեխակ Սասունի Միքայելյանին ուղղակի վաճառքով՝ որպես ընդլայնում օտարել իրեն սեփականության իրավունքով պատկանող Հայաստանի Հանրապետության Կոտայքի մարզ, Ծաղկաձոր համայնք, քաղաք Ծաղկաձոր Օրբելի եղբայրների  փողոց 21/3 հողամաս հասցեում գտնվող 0,2809 հա (կադաստրային ծածկագիր՝ 07-005-0025-0122, վկայական N 10082023-07-0221) մակերեսով հատուկ պահպանվող տարածքների՝ հանգստի համար նախատեսված՝  նպատակային և գործառնական նշանակության հողամասին կից՝ Հայաստանի Հանրապետության Կոտայքի մարզ, Ծաղկաձոր համայնք, քաղաք Ծաղկաձոր Օրբելի եղբայրների  փողոց  19/3 հողամաս հասցեում գտնվող 0, 1594 հա (կադաստրային ծածկագիր՝ 07-005-0025-0139), մակերեսով համայնքային սեփականություն հանդիսացող՝  հատուկ պահպանվող տարածքների, հանգստի համար նախատեսված՝  նպատակային և գործառնական նշանակության հողամասը։
2. Հողամասի վաճառքի գին սահմանել կադաստրային արժեքի չափով 25785500 ( քսանհինգ միլիոն յոթ հարյուր ութսունհինգ հազար հինգ հարյուր) Հայաստանի Հանրապետության դրամ:
3․ Հողամասի օտարումը իրականացնել սույն որոշումն ուժի մեջ մտնելու օրվանից վեցամսվա ընթացքում։
4. Սույն որոշումն ուժի մեջ է մտնում ստորագրման պահից։