Աղետների ռիսկերի նվազեցման միջոցառումների կազմակերպման և իրականացման, արտակարգ իրավիճակներում գործելու ընթացակարգերի սահմանման, արտակարգ իրավիճակներում համայնքի բնակիչների պաշտպանության կազմակերպման նպատակով, ղեկավարվելով «Արտակարգ իրավիճակներում բնակչության պաշտպանության մասին» օրենքի 16-րդ հոդվածով, «Տեղական ինքնակառավարման մասին» օրենքի 12-րդ հոդվածի 1-ին մասի 12-րդ կետով, <<Նորմատիվ իրավական ակտերի մասին>> օրենքի 37-րդ հոդվածով.
1. Ծաղկաձոր համայնքում հաստատել.
1) Աղետների ռիսկի կառավարման խորհրդի կազմը ՝ համաձայն հավելվածN 1-ի.
2) ԱՌԿ խորհրդի աշխատակարգը ՝ համաձայն հավելված N 2-ի.
3) ԱՌԿ պլանը՝ համաձայն հավելված N3-ի (իր հավելվածներով)
2. Խորհրդի անդամներին`
1) ուրաքանչյուր տարվա մինչև հունվարի 15 -ը իրականացնել համայնքի ԱՌԿ պլանի ճշգրտում:
3. ԱՌԿ խորհրդի ղեկավարի տեղակալ Ոսկան Եղիազարյանին՝ սույն որոշման 1-ին կետով ստեղծված ԱՌԿ խորհրդի ներգրավված յուրաքանչյուր անձի կամ անձանց փոփոխության դեպքում 5-օրյա ժամկետում ներկայացնել սույն որոշման փոփոխման վերաբերյալ որոշման նախագիծ:
4.Ուժը կորցրած ճանաչել Ծաղկաձոր համայնքի ղեկավարի 2022 թվականի ապրիլի 28 -ի <<Ծաղկաձոր համայնքում աղետների ռիսկի կառավարման համակարգի մեջ փոփոխուևթյուն կատարելու և կառավարման պլանը հաստատելու մասին>> թիվ 406 որոշումը:
5. Որոշումն ուժի մեջ է ստորագրման պահից: