Աղետների ռիսկերի նվազեցման միջոցառումների կազմակերպման և իրականացման, արտակարգ իրավիճակներում գործելու ընթացակարգերի սահմանման, արտակարգ իրավիճակներում համայնքի բնակիչների պաշտպանության կազմակերպման նպատակով, ղեկավարվելով «Արտակարգ իրավիճակներում բնակչության պաշտպանության մասին» ՀՀ օրենքի 16-րդ հոդվածով, «Տեղական ինքնակառավարման մասին» ՀՀ օրենքի 12-րդ հոդվածի 1-ին մասի 12-րդ կետով, <<Նորմատիվ իրավական ակտերի մասին>> օրենքի 37-րդ հոդվածով.

1.      Ծաղկաձոր համայնքում հաստատել.

1)   Աղետների ռիսկի կառավարման խորհրդի կազմը ՝ համաձայն հավելվածN 1-ի.

 2)  ԱՌԿ խորհրդի աշխատակարգը ՝ համաձայն հավելված N 2-ի.

3) ԱՌԿ պլանը՝ համաձայն հավելված N3-ի (իր հավելվածներով)

2. Խորհրդի անդամներին`

1)  յուրաքանչյուր տարվա մինչև հունվարի 15 -ը իրականացնել համայնքի ԱՌԿ պլանի ճշգրտում:

3.  ԱՌԿ խորհրդի ղեկավարի տեղակալ Գարիկ Հայրապետյանին՝ սույն որոշման 1-ին կետով ստեղծված ԱՌԿ խորհրդի ներգրավված յուրաքանչյուր անձի կամ անձանց փոփոխության դեպքում 5-օրյա ժամկետում ներկայացնել սույն որոշման փոփոխման վերաբերյալ որոշման նախագիծ:

4.Ուժը կորցրած ճանաչել Ծաղկաձոր համայնքի ղեկավարի 2018 թվականի հունիսի 06-ի <<Ծաղկաձոր համայնքում աղետների ռիսկի կառավարման համակարգ ստեղծելու և կառավարման պլանը հաստատելու մասին>> թիվ 151 որոշումը:

5.  Որոշումն ուժի մեջ է ստորագրման պահից: