Այսօր: Հինգշաբթի, 28 Մարտի 2024թ.
Ծաղկաձորի համայնքապետարանի պաշտոնական կայք
Հյուրերի քանակը՝ 4
ՀՀ ԿՈՏԱՅՔԻ ՄԱՐԶԻ ԾԱՂԿԱՁՈՐ ՀԱՄԱՅՆՔ
ԶԼՄ-ները մեր մասին
 
11/08/2016
Արթուր Հարությունյան. Ծաղկաձորը ծանրաբեռնված է

Հոկտեմբերի 2-ին քաղաքապետի ընտրություններ են տեղի ուենալու Կոտայքի մարզի բոլորիս հայտնի հանգստավայրերից մեկում՝ Ծաղկաձոր քաղաքում: Քաղաքապետ Արթուր Հարությունյանի հետ զրուցում ենք քաղաքում կատարված աշխատանքների, զբոսաշրջային տարվա, ընտրությունների ու կատարված աշխատանքների մասին:

– Պարոն Հարությունյան, Ծաղկաձորն ինչպե՞ս է սկսել զբոսաշրջային տարին:

– Շատ լավ ենք սկսել, ինչպես Ամանորի օրերին, այնպես էլ՝ այսօր, շատ ծանրաբեռնված է: Ռուսաստանից շատ հյուրեր ենք ունենում նաև մայիս ամսվա տոներին, սակայն նվազում է նկատվել հայաստանյան զբոսաշրջիկների թվում, ինչը կապված է նաև հյուրանոցային բարձր գների հետ: Արդեն 3 տարի է, որ մասնավոր տներում մինի հյուրտներ են գործում, որտեղ գներն անհամեմատ մատչելի են, միևնույն ժամանակ մրցակցություն է առաջանում, որտեղից օգտվում են մեր համերկրացիները: Ծաղկաձորցիները նաև սերվիսներ են մատուցում՝ դահուկներ, ձնագնացներ, ձիեր են վարձով տալիս: Դա էլ հնարավորությւոն է տալիս քաղաքապետարանին կատարելու տարեկան բյուջեն, այն կրկնակի աճել է, ինչպես օրենսդրական փոփոխությունների, այնպես էլ՝ մեր աշխատանքի արդյունքում:

– Ծաղկաձորն ի՞նչ խնդիր ունի, որի մասին գրավոր ներկայացրել եք Կոտայքի մարզպետարան կամ ՀՀ տարածքային կառավարման նախարարություն:

– Ծաղկաձորում մեր միջոցներով զբոսայգի ենք կառուցում, այս տարի ուզում ենք ավարտին հասցնել, իսկ դրան կից ժամանցի վայր և խաղահրապարակներ ենք ուզում կառուցել, որպիսին չկա քաղաքում, իսկ տուրիստական քաղաքի համար անհրաժեշտություն է, որպեսզի հանգստացողները նաև զբաղմունք ունենան: Անտառում ճեմուղի ենք ուզում կառուցել, որի համար դիմել ենք ՀՀ տարածքային կառավարման նախարարությանը: Հասկանում ենք, որ Ծաղկաձորից ավելի բարդ խնդիրներ ունեցող համայնքներ կան, որոնց են նախընտրում օգնել, հասկանալի է: Դիմել ենք մարզպետարան ասֆալտապատման աշխատանքների խնդրով, աջակցում են որքանով հնարավոր է:

– Պարոն Հարությունյան, յուրաքանչյուր ընտրություններում թեկնածուները որոշակի խոստումներ են տալիս ընտրվելու համար: Անցած ընտրություններում Ձեր կողմից խոստացվածի ո՞ր մասն եք հասցրել կատարել անցած ժամանակահատվածում:

– Ծաղկաձորում մշտապես աջակցում և խրախուսում ենք փոքր և միջին բիզնեսին, դրանց զարգացմանը, չենք թողնում, որ խոշոր բիզնեսները ճնշեն, հավասար մրցակցային պայմաններ ենք ապահովում բոլոր տնտեսվարողների համար:

Ես նաև տեղի Հյուրանոցների միության նախագահն եմ, կարողանում ենք աշխատանքներն այնպես կազմակերպել, որ խոշորների և ՓՄՁ-ների մրցակցությունն ապահովվի: Նաև՝ տեղեկատվական կենտրոն ունենք, որի միջոցով ուղղորդում ենք, գովազդային հոլավակների պատրաստմամբ օգնում: Դա օգնում է, որ մարդիկ տեղեկացված լինեն այն մասին, որ Ծաղկաձորում կան նաև մինչև 10.000 դրամանոց առանձնասենյակներ իրենց հանգիստը կազմակերպելու համար:

Նպաստում ենք ՀՀ բուհերի տուրիզմի և մենեջմենթի ֆակուլտետներում սովորող ծաղկաձորցի ուսանողների ուսման վարձերի մուծման հարցում: Նախընտրություն է տրվում բազմազավակ ընտանիքներին, սոցիալապես անապահովներին:

Քաղաքաքապետարանին կից ունենք երիտասարդական խորհուրդ, օգնում ենք նրանց, տարաբնույթ միջոցառումներ կազմակերպում:

Ինչպես վերընշեցի, զբոսայգին, խաղահրապարակը և ճեմուղին ենք կառուցում մեր ուժերով:

Շախմատի օլիմպիական, ձմեռային  սպորտային միջոցառումներն ենք կազմակերպում Ծաղկաձորում:

Քաղաքում ամբողջությամբ լուծված է խմելու ջրի խնդիրը, 24-ժամյա ջրամատակարարում ունենք, ճանապարհներն այլևս ամբողջությամբ ասֆալտապատված են, գիշերային համալիր լուսավորություն ունենք, որի հարցում անցել ենք դիոդային համակարգի և խնայել համայնքի միջոցները:

Քաղաքային զուգարաններ ենք կառուցել և շարունակում ենք աշխատանքները:

Վերանորոգվել են 7 շենքերի մուտքերն ու տանիքները:

Ամռան այս ամիսներին Ծաղկաձորի հրապարակում տարաբնույթ մշակութային միջոցառումներ ենք կազմակերպում՝ պարի, երաժշտական խմբեր են հանդես գալիս: Բոլորին գործիքներն ու բեմը տրամադրում ենք հասարակական հիմունքներով:

– Հոկտեմբերի 2-ին քաղաքապետի ընտրություններ են նաև Ծաղկաձորում, որոշե՞լ եք, առաջադրելո՞ւ եք Ձեր թեկնածությունը՝ վերընտրվելու համար:

Այո՛, առաջադրվելու եմ, բոլոր ծաղկաձորցիներին մաղթում եմ իրենց աշխատանքներում հաջողություններ ու ակտիվություն ընտրություններում:

 

www.mitk.am
http://mitk.am/2016/08/%D5%A1%D6%80%D5%A9%D5%B8%D6%82%D6%80-%D5%B0%D5%A1%D6%80%D5%B8%D6%82%D5%A9%D5%B5%D5%B8%D6%82%D5%B6%D5%B5%D5%A1%D5%B6-%D5%AE%D5%A1%D5%B2%D5%AF%D5%A1%D5%B1%D5%B8%D6%80%D5%A8-%D5%AE%D5%A1%D5%B6%D6%80/

ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ՀՀ Կոտայքի մարզ, ք. Ծաղկաձոր, Օրբելի եղբայրների փողոց, թիվ 9
+374 60 703000
tsaghkadzor.kotayq@mta.gov.am, meria@tsakhkadzor.am
Պաշտոնական էլ. փոստ` 52989338@e-citizen.am
(միայն www.e-citizen.am համակարգով ծանուցումների համար)



© 2008 - 2024 Հեղինակային իրավունքները պաշտպանված են
ԾԱՂԿԱՁՈՐԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 2081
ԲԿԳ Մրցանակ 2015 - OGP Award 2015
2015 Regional Winner