ՆԱԽԱԳԻԾ

1.    Ծաղկաձոր համայնքի ղեկավարի որոշման կարգավորման առարկան.

            Քաղաքացի Արսեն Արզումանյանը,  հանդիսանալով հողի հարկ վճարող սուբյեկտ, <<Հողի հարկի մասին>> Հայաստանի Հանրապետության օրենքով սահմանված կարգով չի կատարել հողի հարկ վճարելու պարտականությունը, ինչի կապակցությամբ 2017 թվականի դեկտեմբերի 07-ին <<Վարչարարության հիմունքների և վարչական վարույթի մասին>> Հայաստանի Հանրապետության օրենքի 30-րդ հոդվածի 1-ին մասի <<բ>> ենթակետի հիմքով Ծաղկաձորի համայնքապետարանի աշխատակազմում հարուցվել է վարչական վարույթ`   հողի հարկի գումարի գանձման հարցի քննության նպատակով:

            «Վարչարարության հիմունքների և վարչական վարույթի մասին» Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի,  լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.

2.Վարչական ակտը ընդունելու համար հիմք հանդիսացող փաստերը.

Համաձայն Հայաստանի Հանրապետության ԿԱ ԱԳԿ ՊԿ կողմից  տրված տվյալների քաղաք Ծաղկաձոր, Մ.Մկրտչյան  փողոց թիվ 32 հասցեի   2,67հա մակերեսով /ծածկագիր 07-0005-0021-0007 և Մ.Մկրտչյան 32/1  հասցեի 1,31 հա,  մակերեսով /ծածկագիր 07-005-0021-0015/  հողամասերը  հանդիսանում են  Արսեն Արզումանյանի սեփականությունը, որոնք <<Հողի հարկի մասին>> Հայաստանի Հանրապետության օրենքով հանդիսանում են հարկվող օբյեկտ:  Հողամասերի համար վճարման ենթակա հարկը կազմում են համապատասխանաբար՝   680 985 Հայաստանի Հանրապետության  դրամ և 334 115 Հայաստանի Հանրապետության դրամ:  Հողի հարկի տարեկան գումարները 2009-2017 թվականների ընթացքում ժամանակին չվճարելու արդյունքում 25.12.2017 թվականի դրությամբ  առաջացել է  տույժ՝ համապատասխանաբար՝ 322 872  Հայաստանի Հանրապետության դրամի և 158 415 Հայաստանի Հանրապետության դրամի չափով:

          Ծաղկաձորի համայնքապետարանում հարուցված վարչական վարույթի շրջանակներում 2017 թվականի դեկտեմբերի 25-ին հրավիրվել են վարչական վարույթի լսումներ, որին մասնակցելու նպատակով  ծանուցվել է Արսեն Արզումանյանը  /հիմք փոստ.անդորրագիր/ սակայն   չի ներկայացել : 

3.Վարչական ակտ ընդունելու հիմնավորումը.

Հայաստանի Հանրապետության Սահմանադրության 45-րդ հոդվածի համաձայն` յուրաքանչյուր ոք պարտավոր է օրենքով սահմանված կարգով և չափով մուծել հարկեր, կատարել պարտադիր այլ վճարումներ:

Համաձայն <<Հողի հարկի մասին>> Հայաստանի Հանրապետության օրենքի 1-ին հոդվածի` հողի հարկ վճարողներ են հանդիսանում հողի սեփականատերերը, պետական սեփականություն հանդիսացող հողի մշտական օգտագործողները:

Համաձայն <<Հողի հարկի մասին>> Հայաստանի Հանրապետության օրենքի 16-րդ հոդվածի`հողի հարկի գումարը համայնքի վարչական սահմաններում գտնվող հողամասերի համար վճարվում է հարկվող օբյեկտի գտնվելու վայրի համայնքի բյուջե:

Համաձայն <<Հարկերի մասին>> Հայաստանի Հանրապետության օրենքի 23-րդ հոդվածի` հարկի վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար հարկ վճարողը վճարում է տույժ` ժամանակին չմուծված հարկի գումարի 0.15 տոկոսի չափով:

Համաձայն <<Հարկերի մասին>> Հայաստանի Հանրապետության օրենքի 29.1-ին հոդվածի 1-ին մասի` հարկային պարտավորությունների գծով գումարների վճարումը սահմանված ժամկետից ուշացնելու դեպքում տեղական ինքնակառավարման մարմինը որոշում է կայացնում հարկ վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում վերջինիս:

 Ելնելով վերոգրյալից և ղեկավարվելով <<Հողի հարկի մասին>> Հայաստանի Հանրապետության օրենքի 1-ին, 16-րդ, <<Հարկերի մասին>> Հայաստանի Հանրապետության օրենքի 29.1-ին, <<Վարչարարության հիմունքների և վարչական վարույթի մասին>> Հայաստանի Հանրապետության օրենքի 53-րդ, 58-60-րդ հոդվածներով՝

1. Արսեն Արզումանյանից հօգուտ Ծաղկաձոր համայնքի բյուջե գանձել  1 496  387 Հայաստանի Հանրապետության  դրամ, որից՝

    -1 015 100 Հայաստանի Հանրապետության  դրամ՝ որպես ք.Ծաղկաձոր Մ.Մկրտչյան փողոց 32 և 32/1 հասցեներում գտնվող  հողամասերի հողի հարկի ընդհանուր  ապառք,

   - 481 287 Հայաստանի Հանրապետության  դրամ՝ որպես պարտավորությունը չկատարելու արդյունքում  25.12.2017 թվականի դրությամբ հաշվարկված տույժեր  :

 2. Սույն որոշումը կարող է վարչական կարգով բողոքարկվել Ծաղկաձոր համայնքի ղեկավարին՝ դրա ուժի մեջ մտնելու օրվանից երկու ամսվա ընթացքում կամ դատական կարգով Հայաստանի Հանրապետության Վարչական դատարան՝ երկամսյա ժամկետում։

 3. Սույն որոշումն ուժի մեջ է մտնում պարտապանին իրազեկելուն հաջորդող օրվանից:

4.Սույն որոշման պահանջները չկատարելու դեպքում, այն կներկայացվի ՀՀ Վարչական դատարան՝ <<Վարչարարության հիմունքների և վարչական վարույթի մասին>> Հայաստանի Հանրապետության օրենքի 88-րդ հոդվածի 1.1 մասով սահմանված կարգով :

5.Սույն որոշման կատարման ընթացքի նկատմամբ հսկողությունն իրականացնում է Ծաղկաձոր համայնքի ղեկավարը: