ՆԱԽԱԳԻԾ

Ծաղկաձոր համայնքի ղեկավարի որոշման կարգավորման առարկան.

        Սոֆիա Վրույրի Առաքելյանը  հանդիսանալով գույքահարկ վճարող սուբյեկտ, <<Գույքահարկի մասին>> օրենքով սահմանված կարգով չի կատարել գույքահարկ վճարելու պարտականությունը, ինչի կապակցությամբ  2018 թվականի օգոստոսի 21-ին <Վարչարարության հիմունքների և վարչական վարույթի մասին> օրենքի 30-րդ հոդվածի 1-ին մասի <բ> ենթակետի հիմքով Ծաղկաձորի համայնքապետարանի աշխատակազմում հարուցվել է վարչական վարույթ` գույքահարկի գումարի գանձման հարցի քննության նպատակով:

            «Վարչարարության հիմունքների և վարչական վարույթի մասին» օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.

    Վարչական ակտը ընդունելու համար հիմք հանդիսացող փաստերը.

Քննարկվող անշարժ  գույքը՝  հանդիսանում է Սոֆիա Վրույրի Առաքելյանի սեփականությունը, ինչը <Գույքահարկի մասին> օրենքով հանդիսանում է հարկվող օբյեկտ: Գույքի համար վճարման ենթակա գումարը կազմում է 1 518 196 դրամ: Գույքահարկը օրենքով սահմանված ժամկետում չվճարելու արդյունքում  ժամկետանց յուրաքանչյուր օրվա համար  հարկ վճարողը վճարում է տույժ` ժամանակին չմուծված հարկի գումարի 0.15 տոկոսի չափով : Սոֆիա Առաքելյանի  կողմից  2011-2017 թվականն ընկած ժամանակահատվածի համար գույքահարկը օրենքով սահմանված ժամկետում չվճարելու արդյունքում 04.09.2018 թվականի դրությամբ առաջացել է տույժ`  695 688 Հայաստանի Հանրապետության դրամի չափով:

            2018 թվականի օգոստոսի  21-ին <<Վարչարարության հիմունքների և վարչական վարույթի մասին>>  օրենքի 30-րդ հոդվածի 1-ին մասի <<բ>> կետի հիմքով հարուցված վարչական վարույթի շրջանակներում 2018 թվականի սեպտեմբերի 04-ին հրավիրվել են վարչական վարույթի լսումներ, որին մասնակցելու նպատակով պատշաճ ծանուցվել է Ս.Առաքելյանը /հիմք՝ փոստային անդորրագիր/: Վերջինս չի  ներկայացել  վարչական վարույթի լսումներին:

            Վարչական ակտ ընդունելու հիմնավորումը. 

Համաձայն <<Գույքահարկի մասին>> օրենքի 2-րդ հոդվածի` Հայաստանի Հանրապետության օրենսդրությամբ սահմանված կարգով և համամասնությամբ գույքահարկի գումարը վճարվում է`

 1) համայնքի վարչական տարածքում գտնվող շինությունների համար` հարկվող օբյեկտի գտնվելու վայրի համայնքի բյուջե.

  Համաձայն <<Տեղական ինքնակառավարման մասին>> օրենքի 38-րդ հոդվածի 1-ին մասի

<<3) օրենքով սահմանված կարգով կազմակերպում է տեղական հարկերի, տուրքերի և վճարների, համայնքի վարչական սահմաններում գտնվող համայնքային և պետական սեփականություն հանդիսացող հողերի, համայնքի սեփականություն հանդիսացող գույքի վարձավճարների գանձումն ու վերահսկումը.

 4) տեղական հարկերը, տուրքերը և վճարները չվճարող անձանց նկատմամբ օրենքով սահմանված կարգով կիրառում է համապատասխան միջոցներ.>>:

 Համաձայն  Հարկային օրենսգրքի 226-րդ հոդվածի 1-ին մասի 2-րդ կետի՝ <<2) հաշվառող մարմիններ` «Տեղական ինքնակառավարման մասին» օրենքով սահմանված` տեղական ինքնակառավարման մարմիններ, որոնք`

 ա. իրականացնում են հարկ վճարողների և անշարժ գույքի հարկի հաշվառումը` Կառավարության սահմանած կարգով,

 բ. իրականացնում են անշարժ գույքի հարկի վճարումների ընդունումը (այդ թվում` ժամկետանց պարտավորությունների հավաքումը), վճարման նկատմամբ հսկողությունը, ինչպես նաև հարկային վարչարարությունը:>>

Համաձայն իրավահարաբերության ծագման պահին գործող <<Հարկերի մասին>> օրենքի 23-րդ հոդվածի` հարկի վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար հարկ վճարողը վճարում է տույժ` ժամանակին չմուծված հարկի գումարի 0.15 տոկոսի չափով: 

  Ելնելով վերոգրյալից և ղեկավարվելով  <Տեղական ինքնակառավարման մասին> օրենքով, <<Գույքահարկի մասին>> օրենքի 2-րդ, 3-րդ, <<Վարչարարության հիմունքների և վարչական վարույթի մասին>> օրենքի 53-րդ, 58-60-րդ

 1.   Սոֆիա Վրույրի Առաքելյանից հօգուտ Ծաղկաձոր  համայնքի բյուջե գանձել 1 518  196 /մեկ միլիոն հինգ հարյուր տասնութ հազար հարյուր իննսունվեց/ Հայաստանի Հանրապետության դրամ՝ որից.

- 822 536 Հայաստանի Հանրապետության դրամ՝ որպես գույքահարկի ապառք,

- 695 646 /վեց հարյուր իննսունհինգ հազար վեց հարյուր քառասունվեց/ Հայաստանի Հանրապետության դրամ՝ որպես գույքահարկի պարտավորությունը չկատարելու արդյունքում  հաշվարկված տույժ:

 2. Սույն որոշումը կարող է վարչական կարգով բողոքարկվել Ծաղկաձոր համայնքի ղեկավարին  կամ դատական կարգով Հայաստանի Հանրապետության Վարչական դատարան՝   ուժի մեջ մտնելու օրվանից երկու ամսվա ընթացքում երկամսյա ժամկետում։

  3. Սույն որոշումն ուժի մեջ է մտնում պարտապանին իրազեկելուն հաջորդող օրվանից:

 4.  Սույն որոշման պահանջները չկատարելու դեպքում, այն կներկայացվի ՀՀ Վարչական դատարան՝ <<Վարչարարության հիմունքների և վարչական վարույթի մասին>> օրենքի 88-րդ հոդվածով  սահմանված կարգով :

 5. Սույն որոշման կատարման ընթացքի նկատմամբ հսկողությունն իրականացնում է Ծաղկաձոր համայնքի ղեկավարը: