<<ԳՐԻԳՈՐՅԱՆ ՇԻՆ>> սահմանափակ պատասխանատվությամբ ընկերության կողմից քաղաք Ծաղկաձոր, Գրիգոր Մագիստրոսի փողոց, թիվ 6 հասցեում գտնվող հողամասից առանց համապատասխան թույլտվության կատարվել է շինարարական աղբի հավաքում և իր միջոցներով տեղափոխում :
<<Վարչական իրավախախտումների վերաբերյալ>> օրենսգրքի 43.1-րդ հոդվածի 5-րդ մասի հատկանիշներով Ծաղկաձորի համայնքապետարանում հարուցվել է վարչական վարույթ:
Ղեկավարվելով «Վարչական իրավախախտումների վերաբերյալ» օրենսգրքի 43.1-րդ հոդվածի 5-րդ մասով /առանց թույլտվության շինարարական կամ խոշոր եզրաչափի աղբի հավաքումը և փոխադրումը/ և 219 1 հոդվածով և հիմք ընդունելով վարչական հանձնաժողովի 2022 թվականի մայիսի 12-ի նիստի թիվ 03 արձանագրությունը՝
1. <<ԳՐԻԳՈՐՅԱՆ ՇԻՆ>> սահմանափակ պատասխանատվությամբ ընկերության /ՀՎՀՀ 00481595, գտնվելու վայրը՝ քաղաք Երևան, Էրեբունի Մուշական 8 փողոց, թիվ 92/ տնօրեն Գևորգ Գրիգորյանի նկատմամբ նշանակել տուգանք` 200 000 (երկու հարյուր հազար) Հայաստանի Հանրապետության դրամի չափով:
2.Տուգանքը վճարել սույն որոշումը ստանալու օրվանից 15 օրվա ընթացքում Ծաղկաձոր համայնքի բյուջե` 900125002114 հաշվեհամարին:
3. Սույն որոշումն ուժի մեջ է մտնում պարտապանին իրազեկելուն հաջորդող օրը:
4. Սույն որոշումը կարող է բողոքարկվել օրենքով սահմանված կարգով և ժամկետներում:
5. Վճարումը սահմանված ժամկետում չիրականացնելու և որոշումն անբողորքարկելի դառնալու դեպքում գումարը կգանձվի Հայաստանի Հանրապետության Արդարադատության նախարարության դատական ակտերի հարկադիր կատարման ծառայության միջոցով: