ՀՀ կառավարության որոշման համաձայն՝ հաստատվել է Սփյուռքի երիտասարդության Հայաստան այցելությունների <<Արի տուն>> ծրագիրը և միջոցառումների ցանկը: Ծրագիրը մեկնարկելու է ս/թ հունիսի 17-ից և ութ փուլերով շարունակվելու է մինչև օգոստոսի 25-ը, որի ընթացքում Սփյուռքի տարբեր տարածաշրջաններից 13-ից 17 տարեկան սփյուռքահայ երիտասարդներ կհյուրընկալվեն հայասատանյան ընտանիքներում:
<<Արի տուն>> ծրագրի նպատակներն են՝ աջակցել սփյուռքահայ երիտասարդության հայրենասիրական դաստիարակությանը, ճանաչելի դարձնել Հայաստան-հայրենիքն աշխարհասփյուռ հայ երիտասարդների համար, սփյուռքահայ երիտասարդ սերնդին ներկայացնել հայ ժողովրդի ավանդույթներն ու սովորույթները, հայ ընտանիքի առանձնահատկությունները:
Ակնկալվում է մարզի համայնքների ակտիվ մասնակցությունը: Խմբերը բաղկացած են լինելու մինչև 14 անձից՝ որոնց համայնքը կարող է ընդունել իրեն նպատակահարմար որևէ փուլում:
Ծրագրի մասնակիցները համայնքում հյուրընկալվում են 9 օր:
Կից ներկայացվում է <<Արի տուն>> ծրագրի ուղեցույցը և հայտի ձևը: