Քաղաք Ծաղկաձոր Մայիսյան փողոց թիվ 34 հասցեում գտնվող բնակելի անհատական տունը սեփականության իրավունքով պատկանում է << Հայէկոնոմբանկ>> բաց բաժնետիրական ընկերությանը, վերը նշված գույքը վարձակալությամբ տրամադրվել է Ռոզա Խաչատրյանին իսկ վերջինիս կողմից ենթավարձակալությամբ տրամադրվել է <<Մատակարարում>> սահմանափակ պատասխանատվությամբ ընկերությանը՝ հյուրանոցային գործունեություն ծավալելու նպատակով:
<<Մատակարարում>> սահմանափակ պատասխանատվությամբ ընկերության կողմից իրեն ենթավարձակալությամբ հանձնված քաղաք Ծաղկաձոր, Մայիսյան փողոց, թիվ 34 հասցեում գտնվող բնակելի տանը իրականացվում է հյուրանոցային-հյուրատնային գործունեություն,
<<Վարչական իրավախախտումների վերաբերյալ>> օրենսգրքի 152.2-րդ հոդվածի 1-ին մասի հատկանիշներով Ծաղկաձորի համայնքապետարանում հարուցվել է վարչական վարույթ:
Համաձայն Վարչական իրավախախտումների վերաբերյալ օրենսգրքի152.2-րդ հոդվածի 1-ին մասի՝
<<1. Շենքերը և շինությունները օրենսդրությամբ սահմանված պահանջների խախտմամբ ոչ նպատակային օգտագործելը՝
առաջացնում է տուգանքի նշանակում` սահմանված նվազագույն աշխատավարձի քսանապատիկից մինչև հիսնապատիկի չափով։>>
Հայաստանի Հանրապետության Կառավարություն 2017 թվականի հունիսի 29 <<Շինությունների նպատակային նշանակության դասակարգման ցանկը սահմանելու մասին>> թիվ 757-Ն որոշման 2-րդ հավելվածով սահմանվում է հասարակական նպատակային նշանակության շենքերի, շինությունների դասակարգման ցանկը՝
<<...3. Առողջապահության, սոցիալական ապահովության, սպորտի, հանգստի և ժամանցի համար նախատեսված շենքեր և շինություններ, որոնք նախատեսված են հիվանդանոցների, պոլիկլինիկաների, հոսպիտալների, ամբուլատորիաների, շտապ բժշկական օգնության կայանների, ծննդատների, կաթնային խոհանոցների, դեղատների, հակահամաճարակային կայանների, առողջապահական գործակալությունների, վերականգնողական և դիագնոստիկ կենտրոնների, առողջարանների, առողջարանային դպրոցական ճամբարների, հանգստյան տների, հանգստի բազաների, երիտասարդական ճամբարների, հյուրանոցների, զբոսաշրջային բազաների, մոթելների...>>
Քննելով Ծաղկաձոր համայնքի ղեկավարի առընթեր վարչական հանձնաժողովի կողմից ներկայացված նյութերը, հիմք ընդունելով վարչական հանձնաժողովի 2020 թվականի հուլիսի 30-ի և օգոստոսի 6-ի նիստերի արձանագրությունը, ղեկավարվելով «Վարչական իրավախախտումների վերաբերյալ» օրենսգրքի 152.2-րդ հոդվածի 1-ին մասով և 219 1 հոդվածով, Հայաստանի Հանրապետության Կառավարություն 2017 թվականի հունիսի 29 թիվ 757-Ն որոշման պահանջներով ՝
1. <<Մատակարարում>> սահմանափակ պատասխանատվությամբ ընկերության /ՀՎՀՀ՝ 00891321, հասցե՝ քաղաք Ծաղկաձոր, Իսահակյան փողոց, թիվ 2, տնօրեն՝ Գուրգեն Բադալյան / նկատմամբ նշանակել տուգանք` 30 000 (երեսուն հազար) Հայաստանի Հանրապետության դրամի չափով:
2. Տուգանքը վճարել սույն որոշումը ստանալու օրվանից 15 օրվա ընթացքում Ծաղկաձոր համայնքի բյուջե` 900125002114 հաշվեհամարին:
3. Սույն որոշումն ուժի մեջ է մտնում պարտապանին իրազեկելուն հաջորդող օրը:
4. Սույն որոշումը կարող է բողոքարկվել օրենքով սահմանված կարգով և ժամկետներում:
5. Վճարումը սահմանված ժամկետում չիրականացնելու և որոշումն անբողորքարկելի դառնալու դեպքում գումարը կգանձվի Հայաստանի Հանրապետության արդարադատության նախարարության դատական ակտերի հարկադիր կատարման ծառայության միջոցով: